ეილულის რთული ბედი ჰქონდა. ბავშვობაში გაღატაკებულად ცხოვრობდა დასთან, დედასთან და მამინაცვალთან ერთად. ყმაწვილქალობაში გარდამტეხი ასაკის პრობლემები გაიარა. ერთხელაც, მამინაცვალმა სხვა თვალით დაუწყო ყურება მომწიფებულ, ატკვარცალებულ გოგონას. კაცს ეილულიზე დაუფლების ჟინი გაუჩნდა... ეილულიც გრძნობდა, რომ მამინაცვლისგან კარგი არაფერი დაემართებოდა. დედამ კაცისგან დაცვის მიზნით, გოგონა გაიმეტა და ინტერნატში გაგზავნა სასწავლებლად. ეილულის პრობლემები, სასწავლებელში მისვლის დღიდანვე შეექმნა, რადგან ინტერნატი ისეთი დაწესებულებაა, სადაც ნაკლებ ყურადღებას აქცევენ იქ მიმდინარე სწავლებისა, თუ საყოფაცხოვრებო პირობებს, განსაკუთრებით, კაპიტალისტურ წყობილებაში, სადაც ასეთი დაწესებულებები, ძირითადად, მდიდართა ქველმოქმედებაზეა დამოკიდებული. მაგრამ, ეილულის გაუმართლა და აქ მას თავშესაფრის უფროსის მოადგილე, კეთილშობილი ქალბატონი, ფერიდე გამოუჩნდა მფარველ ანგელოზად
